Un home foi atopado morto na noite do xoves en Nigrán. Apareceu caído xunto a un tractor nun camiño con varios metros de desnivel, pero puido falecer por unha indisposición previa.

Segundo informa o 112 Galicia, un veciño alertou á central de emerxencias antes das 22.30 horas, tras atopar ao home tirado nun campo en Camiño da Maceira, en Camos. Xa sospeitaba que podía estar falecido.

Ata o lugar desprazouse unha dotación de Urxencias Sanitarias-061, que só puido confirmar o falecemento do home. No operativo tamén participou a Garda Civil.