Unha muller tivo que ser trasladada por inhalación de fume tras un incendio na máquina de queimar azucre no local dunha panadaría da rúa San Bieito, en Nigrán.

Segundo informou o 112 Galicia, o suceso produciuse sobre as 04.00 horas deste domingo e foi un veciño o que deu a voz de alarma tras percibir o cheiro a queimado.

A máquina tiña moito plástico e cartón, o que provocou un pequeno foco de lume que foi apagado rapidamente. No operativo participaron o GES de Val Miñor e a Garda Civil.