O alcalde de Vigo, Abel Caballero, insistiu este luns en que o presidente da Real Federación Española de Fútbol (RFEF) “ten que dicir que a cidade é sede do Mundial 2030”. Nun audio difundido aos medios de comunicación, o rexedor volveu a falar do tema, lamentou que a urbe galega estivese nunha primeira listaxe para ser sede do evento e, posteriormente, non aparecese na lista definitiva. Por iso, pediu de novo explicacións. “É un clamor en toda España e Louzán segue calado. Ten que falar e dicir que Vigo é recuperada como estaba na primeira listaxe como sede do Mundial 2030. Xa tarda. Aí permanece calado e escondido”, sentenciou Caballero.