Un home, S.P.M. de Ponferrada (León) e 35 anos de idade, foi detido en Vigo este pasado mércores tras entrar a roubar nun almacén.
Segundo informa a Policía Local, os feitos ocorreron pasadas as 23.00 horas e foi un veciño da rúa Aragón o que alertou ao escoitar ruídos e golpes nun inmoble próximo á súa vivenda.
Unha vez no punto, os axentes comprobaron que se trataba dunha nave utilizada como almacén, que tiña unha xanela rota a uns 6 metros de altura, así como a célula de apertura de acceso rota.
Precisamente xunto ao portal, os funcionarios localizaron unha chave inglesa e unha panca metálica duns 30 centímetros. Tras cubrir todas as rutas de escape, observaron a un individuo saír do interior por unha xanela, accedendo ao tellado do inmoble lindeiro, sendo interceptado e detido pola suposta comisión dun delito de roubo con forza.
Tras a súa detención mostrou, un elevado nivel de agresividade, golpeando violentamente o vehículo Policial durante o seu traslado, chegando ao extremo de tratar de agredir fisicamente á doutora que lle asistiu, no exercicio ao seu dereito a ser atendido por un médico, tendo que ser reducido polos axentes que neses momentos exercían a súa custodia.
