A dirección de Stellantis Vigo fixo este venres unha nova proposta a sindicatos para os expedientes de regulación de emprego (ERE e ERTE) que planea para este 2025, reducindo a afectación do primeiro de 90 a 80 traballadores e baixando de 85 a 75 as xornadas do segundo durante este 2025.

En concreto, segundo fontes sindicais, a compañía automobilística propuxo que o ERE afecte como máximo a 80 empregados de forma voluntaria cunha indemnización calculada baixo criterios recolleitos no estatuto dos traballadores para aqueles menores de 59 anos e con indemnizacións máximas de ata tres veces o salario anual bruto para os que teñen 59 anos (2,5 S.A.B. para os de 60; 2, para os de 61; e 1, para os de 62).

En canto ao ERTE, a proposta de Stellantis baixa a 75 xornadas individuais, das cales 50 serán ata finais do primeiro semestre e se é necesario sumaranse 25 máis, tendo que consunmirse 20 días de bolsa de horas antes de poder acollerse ao ERTE. Agora, os sindicatos terán que someter esta proposta a votación e decidir no próximo encontro, o mércores 12, se se acepta ou non.