Axentes da Policía Local de Vigo detiveron o pasado sábado a un home de Moaña, de 42 anos de idade, P.P.C., sobre o que pesaban varias requisitorias xudiciais, unha delas de ingreso en prisión.
Segundo informaron fontes policiais, os feitos ocorreron cando unha patrulla se atopaba na rúa Ecuador e os axentes observaron a un home que, ante a súa presenza, comezou a mostrar unha actitude esquiva.
Ao identificalo e cotear os seus datos, os policías comprobaron que que sobre el pesaban tres requisitorias xudiciais. Unha delas de detención e presentación por unha causa de 2015; outra de detención e ingreso en prisión por unha causa de setembro de 2024; e unha terceira de detención e presentación por unha causa de outubro de 2024; todas elas do Xulgado do Penal 1 de Vigo. Os axentes procederon á súa detención e posta a disposición da autoridade xudicial.
