Tres persoas tiveron que ser excarceradas nun aparatoso accidente entre dous coches ocorrido na A-55, ao seu paso polo termo municipal de Mos. Segundo informa o 112 Galicia, ocorreu sobre as 14.20 horas da tarde no quilómetro 14 da citada estrada, concretamente na parroquia de Sanguiñeda, en sentido cara a Tui.

Tras recibir o aviso, a central de emerxencias pasou o aviso aos bombeiros de Baixo Miño, ao GES de Mos, a Urxencias Sanitarias-061, á Policía Local e á Garda Civil. Pola situación na que quedou un dos coches implicados, os bombeiros tiveron que empregar material de excarceración para rescatar a tres feridos e que puidesen ser evacuados a un centro hospitalario.