A factoría viguesa da compañía automobilística Stellantis suspenderá varias quendas esta semana por problemas de subministración.

Tal como informou a dirección da planta aos traballadores, nesta ocasión será o Sistema 1, que ensambla os Peugeot 2008, o que parará na tarde e na noite deste martes, así como na mañá deste mércores, día 18 de setembro.

“Por causa de forza maior, a consecuencia da falta de aprovisionamentos, suspéndese a actividade do Sistema 1 nas quendas de tarde e noite do martes 17 de setembro, e na quenda de mañá do mércores 18”, indicou a empresa aos empregados.

Todo iso a pesar de que hai menos dun mes que as instalacións de Stellantis Vigo retomaron o traballo tras o parón das vacacións de verán.