O aeroporto de Vigo reabrirá ao tráfico aéreo este venres tras as obras de remodelación da súa pista de aterraxe e despegamento, que levaron a cabo desde inicios do mes de maio.
Segundo anunciou Aena nun comunicado, os traballos de rexeneración do pavimento da pista atópanse na súa fase final e xa se están executando os últimos remates para a súa posta en servizo o vindeiro venres, día 31, tal como estaba previsto.
Ao longo desta semana, están a realizarse tarefas de pintura, comprobacións eléctricas e calibraciones de axudas á navegación.
Despois de catro semanas do peche ao tráfico aéreo, dáse por finalizada a fase de rexeneración do asfalto de pista e a obra continuará noutras zonas do campo de voos que non afectan á operatividade do aeroporto.
