O auditorio municipal de Vigo acollerá o sábado 8 de xuño a partir das 21.00 horas a representación da obra de teatro ‘Síbaris’ de Domingo Villar.

A cidade olívica pechará a xira galega da compañía de teatro Condetrespés, que representa a primeira obra teatral de Villar, falecido en maio de 2022.

O alcalde, Abel Caballero, destacou a participación na obra de actores como Carlos Branco e Belén Constenla, así como do músico Pablo Novoa.

As entradas estarán á venda a partir do próximo martes 21 de maio a un prezo de 8 euros. Poderanse adquirir na web ‘www.giglon.com‘ ou de forma presencial na libraría Libros para Soñar. Ademais, unha hora antes da representación no despacho de billetes do auditorio.