O Instituto Xeográfico Nacional (IGN) rexistrou un terremoto de magnitude 1,8 con epicentro na localidade pontevedresa de Vilaboa, aínda que non se rexistraron danos. O movemento sísmico tivo lugar ás 4.22 horas da madrugada deste venres, e o epicentro sitúase a 21 quilómetros de profundidade, entre as zonas da Canicouva e Cacheiro.

No que vai de ano, Galicia rexistrou varios terremotos de intensidade menor, aínda que algúns si foron percibidos pola poboación, como o movemento sísmico rexistrado o pasado 1 de xaneiro, con magnitude 3,5 e epicentro en Triacastela, ou o rexistrado a mediados de marzo con magnitude 3,7 e epicentro en Sarria.