Un home resultou ferido grave este luns ao precipitarse desde o tellado no que traballaba en Vigo. Segundo informou o 112, o suceso tivo lugar ao redor das 12.00 horas no porto pesqueiro do Berbés. Un particular deu aviso ao servizo informando de que o home estaba inconsciente. No dispositivo participaron, a Policía Portuaria, Protección Civil, Garda Civil e Emerxencias Sanitarias-061, que confirmaba o estado grave do ferido e do seu traslado ao Hospital Álvaro Cunqueiro.