O xulgado de instrución número 3 de Vigo decretou a posta en liberdade, en condición de investigados, de dous individuos que foron detidos esta semana pola súa suposta vinculación cunha malleira a un terceiro home, que apareceu gravemente ferido na parroquia de Cabral, cunha tesoira cravada no pescozo.
O xulgado investígaos por un suposto delito de lesións dolosas e impúxolles a prohibición de achegarse á vítima, que está hospitalizada, e a outro home, ao que tamén agrediron e que logrou escapar.
Os feitos ocorreron na parroquia viguesa de Cabral, onde apareceu malferido un home, con diversas lesións e cunha tesoira cravada no pescozo. Os detidos están presuntamente relacionados con esta agresión e tamén co ataque a outra persoa, que acompañaba á vítima, pero que logrou escapar.
