Un axente de Policía Nacional da Comisaría de Vigo-Redondela, que estaba libre de servizo, detivo a un home como presunto autor dunha agresión sexual a unha muller cometida momentos antes nun portal dun edificio.

Segundo informaron fontes policiais, os feitos ocorreron a principios de xaneiro, cando este axente regresou ao seu domicilio e un veciño comunicoulle que unha familiar cercaba acababa de ser agredida sexualmente no portal do edificio.

Pola descrición que lle achega a vítima, o policía decátase de que o agresor podería ser un home co que se acababa de cruzar uns metros antes de chegar á súa casa. Así, o axente decidiu saír en busca do sospeitoso.

Finalmente, puido localizar ao presunto agresor nun parque próximo, e procedeu á súa detención. O investigado foi posto a disposición xudicial.