Os dous ocupantes dun turismo foron auxiliados polos equipos de emerxencia tras saírse da vía o vehículo no circulaban na AP-9, entre o quilómetro 156 e 157, ao seu paso pola parroquia de Cabral, en Vigo. Segundo informou o 112, foi un particular o que alertou do suceso sobre as 10.00 horas deste domingo. Así, sinalou que o turismo quedou envorcado tras varias voltas de campá e, engadiu, que no interior podía haber persoas feridas e atrapadas.
A central de emerxencias avisou a Urxencias Sanitarias de Galicia-061 e aos Bombeiros de Vigo. Unha vez no punto confirmaron que non foi necesario empregar o material de excarceración xa que bastou con forzar unha porta para liberar ás vítimas. Para o operativo tamén solicitaron a colaboración dos axentes da Garda Civil e da Policía Local.
