A rápida intervención de axentes da Policía Local de Vigo permitiu salvar a vida dunha veciña de 66 anos de idade que se atragoou mentres ceaba e que non podía respirar.

Segundo informaron fontes policiais, os feitos ocorreron na tarde noite do pasado domingo, cando o 092 recibiu un aviso para acudir a un domicilio da rúa Rorís.

Unha vez no lugar, os axentes observaron que a muller non podía respirar porque se había atrangantado mentres ceaba, polo que procederon rapidamente a realizarlle a manobra de Heimlich, ata que expulsou o obxecto que lle obstruía as vías respiratorias.

A patrulla requiriu a presenza dunha ambulancia e tranquilizou á muller mentres chegaban os profesionais sanitarios. Finalmente, non foi necesario o seu traslado a un centro hospitalario, xa que a vítima recuperou a respiración e a súa saturación de osíxeno era normal.