A dirección da pesqueira galega Fandicosta trata de renegociar a súa débeda con catro bancos, pero garantiu o salario dos seus traballadores, segundo informou a sindicatos nun encontro mantido na tarde deste pasado xoves.

Tal como indicaron fontes de Comisións Obreiras (CC.OO.), na reunión a firma expuxo que a necesidade de presentar o preconcurso de acredores veu dada para manter o circulante e poder garantir así o mantemento da produción.

Entre os motivos deste “desaxuste” apuntaron á baixada da demanda dos seus produtos. As mesmas fontes asegurado que a empresa considera que se trata dun desaxuste “conxuntural”, polo que está a buscar medidas para renegociar a súa débeda con catro bancos.

Con todo, Fandicosta informou de que garantirá os salarios dos empregados e que, por agora, non contempla despedimentos. “En todo caso, se a demanda continúa baixando, exporíase un expediente de regulación temporal de emprego (ERTE) durante o impasse”, engadiron desde CC.OO.

O sindicato aproveitou a ocasión para solicitar á Xunta unha reunión sobre a situación de Fandicosta, para contrastar a información ofrecida pola compañía, lembrando que o Goberno galego posúe o 12,5% da sociedade.

Todo iso despois de que Fandicosta presentase a mediados deste mes un preconcurso de acredores co obxectivo de tratar de solucionar a situación financeira que atravesa e resstructurar a súa débeda.