Nove persoas resultaron feridas, entre elas tres menores de idade, tras unha colisión múltiple entre catro vehículos na avenida de Europa, en Vigo.

Segundo recolleu o 112, o suceso ocorreu ao redor das 21.00 horas do venres e foron varios particulares os que chamaron para alertar da situación.

Así, oito persoas foron trasladadas aos centros hospitalarios de referencia e unha delas tivo que ser excarcerada ao quedar atrapada no interior dun dos vehículos implicados.

No operativo participaron Urxencias Sanitarias de Galicia-061, os Bombeiros de Vigo, os axentes da Policía Local e os membros de Protección Civil de Vigo.