A Policía Local e o Concello de Moaña solicitan colaboración para dar co paradoiro dun veciño desta localidade pontevedresa desaparecido desde o pasado luns, día 9.

En concreto, trátase de Jorge Carballo Couso, de 45 anos de idade, que saíu para pasear do seu domicilio, no barrio da Marrúa, sobre as 15,00 horas do luns, pero non se sabe nada máis del. Segundo infórmase, o home vestía, posiblemente, un chándal negro, mochila negra e bastón de sendeirismo.

Habitualmente, adoita pasear polo monte en Hermelo, Cruz do Xestoso e O Beque, así como parar no Bar Daniel’s da Xunqueira e no Bar Atria do Rosal. Calquera dato pode comunicarse á Policía de Moaña no 986 31 16 56.