O concello pontevedrés da Guarda acollerá este sábado a proxección da película de animación ‘Valentina’ no marco da segunda edición do Ciclo Mestre Mateo.

Así, promovido pola Academia Galega do Audiovisual e a Deputación de Pontevedra, o obxectivo é achegar as longametraxes de ficción e documentais finalistas dos premios do audiovisual galego aos concellos da provincia.

Desta forma, o salón de actos do Centro Cultura acollerá ás 20,30 horas o pase de ‘Valentina’, dirixida por Chelo Loureiro e finalista dos Mestre Mateo na categoría de películas de animación.

A película mostra a historia de Valentina, unha nena que soña con ser trapecista, pero que cre que nunca poderá conseguilo por ter síndrome de Down.