Persoal do centro de acollida e protección de animais da Deputación de Pontevedra rescatou a cinco cachorros de can que foran arroxados a un colector no municipio pontevedrés da Cañiza.

Os animais, tres femias e dous machos que tiñan só un día de vida, atópanse na área de maternidade do centro provincial da Armenteira “en relativo bo estado de saúde a pesar das circunstancias”, segundo informou a Deputación pontevedresa.

Os cachorros foron localizados por unha veciña o pasado sábado 30 de setembro nun colector da rúa Álvaro Cunqueiro. Persoal da deputación desprazouse ao lugar tras recibir o aviso da Garda Civil.

Brisa, Bimba, Lola, Sancho e Lucas, como foron bautizados, foron evacuados ao centro de acollida provincial, onde reciben os coidados necesarios para tratar de que salga adiante.

En caso de progresen de forma favorable, continuarán no centro ata completar o proceso e poder saír en adopción unha vez completen a pauta de vacinación.