Axentes da Policía Local de Vigo detiveron a un veciño da cidade, A.C.C.G., de 29 anos de idade, como presunto autor dun delito de violencia de xénero, por agredir supostamente e agarrar polo pescozo á súa parella en plena rúa. Os feitos ocorreron na madrugada do venres ao sábado pasado, na Praza de Portugal, onde acudiu unha dotación policial tras recibir un aviso por un suposto episodio de violencia de xénero.

Unha vez no lugar, os axentes puideron observar a un home que agarraba polo pescozo a unha muller e que, ao decatarse da presenza policial, soltouna e tratou de simular que a estaba bicando. Os policías entrevistáronse por separado con ambos, e comprobaron que a muller presentaba feridas sanguentas no beizo superior, así como marcas no pescozo. Ante estas evidencias, e os relatos dos testemuños que chamaran ao 092, os funcionarios procederon á detención do home como presunto autor dun delito de violencia de xénero.