Unha persoa faleceu, na tarde deste xoves, tras arder o seu coche ao saír da vía cando circulaba pola EP-5001, ao paso pola parroquia pontevedresa da Franqueira, na Cañiza, e chocar contra unha arqueta.

Segundo informou o 112, os equipos de emerxencia acudiron a socorrer a esta persoa ao fío das 17,30 horas. A pesar dos esforzos dos veciños, que retiraron á vítima do interior do vehículo en canto comezou a arder, a persoa perdeu a vida.

Con todo, non descartaron que sufrise unha indisposición previa que lle leva a perder o control do vehículo. O 112 indicou que o que si parece evidente é que o vehículo saíu da vía, chocou contra unha arqueta e ardeu por completo.

No operativo interviñeron Urxencias Sanitarias de Galicia-061, GES-Bombeiros de Ponteareas, Garda Civil e Policía Local.