Os catro ocupantes dun coche resultaron feridos ao envorcar o vehículo cando circulaban pola autovía A-52 ao seu paso polo municipio pontevedrés das Neves.

O sinistro produciuse ás 14,15 horas deste mércores no quilómetro 284 da autovía das Rías Baixas á altura da parroquia de Batalláns, segundo trasladou o CIAE 112 Galicia.

A pesar de quedar envorcado sobre a vía, ningún dos seus ocupantes quedou atrapado no interior e estaban accesibles para poder ser atendidos polos profesionais de Urxencias Sanitarias 061.