O comité de empresa da planta de Gestamp no Porriño (auxiliar do sector da automoción) anunciou a convocatoria de dúas xornadas de paro en protesta polos “graves incumprimentos” do convenio colectivo por parte da dirección, segundo trasladou o sindicato CIG nun comunicado.

A central sindical explicou que o conflito se debe a “os cambios que a empresa está aplicado de maneira unilateral en distintas categorías profesionais, o que se traduce nunha redución de salario para as persoas traballadoras afectadas”.

Por estes feitos, o órgano de representación do persoal (integrado por CC.OO., UGT, CIG, e CUT) decidiu convocar dúas xornadas de folga e concentracións para eses dous días.

A fábrica do Porriño, situado no Polígono das Gándaras, conta cun persoal de 280 operarios e as xornadas de folga serán de 24 horas, afectando os tres quendas de traballo.