A Delegación do Goberno contra a Violencia de Xénero confirmou como violencia de xénero o asasinato este sábado dunha muller na localidade pontevedresa de Oia, o que supón a vítima 21 no que vai de ano por violencia machista en España e a 1.205 desde que se iniciaron os rexistros en 2003.
En Galicia, este é o segundo crime machista ocorrido este ano tras o asasinato dunha muller en Baiona o pasado mes de febreiro polo que foi detida a súa exparella. A vítima mortal, Ana Vanessa Serén, de 44 anos, foi asasinada as portas do cámping no que traballaba presuntamente a mans da súa expareja, un garda civil que horas despois dos feitos suicidouse ao verse acurralado por axentes do Instituto Armado nun monte próximo ao lugar do crime.
Tras confirmarse como un caso de violencia de xénero, a Delegación do Goberno en Galicia convocou un minuto de silencio, ás 12,00 horas, ante a sede da institución, na Coruña. A Xunta tamén acollerá un minuto de silencio en repulsa por este crime ás 12,00 horas na sede da administración autonómica en San Caetano, en Santiago de Compostela. Ademais, están previstas concentracións e minutos de silencio de repulsa por toda a xeografía galega ao longo do día.
