A Escola Municipal de Artes e Oficios de Vigo acollerá o próximo 7 de xuño o Seminario sobre Conservación e Restauración do Patrimonio Téxtil de Irmandades e Confrarías promovido pola Real Fábrica de Tapices, un evento que terá lugar a partir das 18,30 horas e que conta coa cooperación do Concello olívico.

O seminario será presentado polo director da Real Fábrica de Tapices, Alejandro Klecker, que explicará a orixe, a evolución e os principais personaxes que configuraron a Historia da Real Fábrica de Tapices (RFT). A continuación, a directora de Restauración da RFT, Verónica García, abordará o proceso de conservación e restauración de téxtiles históricos.

Na xornada tamén participará Almudena López, especialista en Tinguiduras da institución, que destacará a importancia da tinción e a avaliación da cor nos procesos de restauración téxtil. Tamén revelará as claves do proceso de tinción na Real Fábrica de Tapices onde sustentabilidade, reversibilidad e respecto pola peza orixinal son cuestións fundamentais.