Decenas de profesionais de barbarías, salóns de estética e barberías de Vigo protestaron este luns en Vigo para pedir ao Goberno que reduza o IVE do sector ao considerarse “servizo esencial”.

Vestidos de negro para visibilizar o “escuro presente e futuro que lles espera”, os traballadores partiron desde Praza de España ata o Concello pedindo que se baixe o IVE, explicando que esta medida xa foi aprobada polo Congreso e o Senado hai máis de 10 anos, pero finalmente foi vetada polo Executivo.

Por iso, durante a protesta lanzaron proclamas como ‘Agora votamos nós’, ‘Non máis vetos, si máis votos’, ‘O IVE xeral, era temporal’ ou ‘O Goberno vétanos, nós votamos’.

Nun comunicado, as plataformas Crer en Nós e Alianza Empresarial pola baixada do IVE á imaxe persoal reivindicaron o voto destes profesionais nas próximas eleccións cara a partidos que apoian a restitución do IVE reducido.