As Illas Cíes volverán encherse na ponte do Día do Traballador do 1 de maio, xa que o sábado 29 de abril, o domingo 30 e o luns 1 de maio (festivo nacional) a cota de 450 prazas diarias dispoñibles para visitar o arquipélago (por non ser tempada alta) xa está completo.
Así o indicou a navieira Mar de Ons, que lembrou que as illas, pertencentes ao Parque Nacional das Illas Atlánticas, son un dos destinos con maior demanda do noroeste peninsular. “Esta cota de 450 prazas queda curto para atender a demanda. Os barcos sairán a media capacidade, xa que o Plan reitor de uso e xestión non contempla esta ponte, tan importante turísticamente, atrasando ao 15 de maio o comezo da tempada alta”, lamentou a responsable comercial de Mar de Ons, Silvia Torres.
