A aposta do ex reitor da Universidade de Vigo, Salustiano Mato, como candidato do BNG de Vigo non fructificou. Tampouco a da eurodeputada Ana Miranda, que figuraba nas quinielas. Finalmente, a militancia viguesa decidiu elixir a Xabier Pérez Igrexas para encabezar a lista nacionalista ás eleccións municipais de 2019.
Igrexas ten unha longa experiencia no activista político e social da cidade. Participa de diferentes movementos sociais desde 1998 e é militante da UPG e afiliado CIG. Destaca pola súa relacións cos medios e pola súa participación como columnista en numerosos xornais. De feito, é un dos impulsores do semanario Sermos Galiza.
Na súa intervención ante a militancia defendeu que o BNG traballará por unha “cidade como unha verdadeira comunidade, coas persoas no centro das políticas” e recalcou que o BNG situará o foco nos problemas e nas necesidades reais da veciñanza “para converter Vigo nunha cidade que xere oportunidades”.
Tamén dixo que o obxectivo do BNG en Vigo é recuperar unha presenza determinante no concello de Vigo porque “o BNG sempre fixo avanzar o noso concello con coherencia, con políticas nacionalistas e de esquerdas e sempre ao servizo da veciñanza”, afirmou.
