O Comando Territorial de Viana do Castelo, a través o Posto Territorial de Vila Nova de Cerveira, identificou a tres persoas e decomisado oito embarcacións de alta velocidade semirríxidas preparadas para navegar –para o transporte de droga– e sete en avanzada construción, así como seis moldes de embarcacións. Así o recolle un comunicado da Garda Nacional Republicana (GNR), recollido por Europa Press, con respecto a este operativo desenvolvido en Vilanova de Cerveira, xunto ao Miño, nun terreo próximo á fronteira con Galicia.
O dispositivo iniciouse por mor dunha denuncia por movementos “sospeitosos” no interior dun almacén, no que os axentes atoparon a tres homes que, ao percibir a presencial policial, “bloquearon a porta de entrada e encerráronse nas instalacións”.
Con todo, foi posible constatar que se trataba dun almacén adaptado para a construción e reparación de narcolanchas. Atendendo ás características do material detectado e a situación de “sospeita”, foron identificados os sospeitosos, tres homes con idades comprendidas entre os 40 e os 46 anos. Tamén se incautaron do material como medida cautelar.
Os feitos foron comunicados ao Tribunal Xudicial de Viana do Castelo e á Policía Xudicial. Estas actuacións contaron co apoio dos postos territoriais de Caminha e Valença, así como da estrutura de Investigación Criminal do Comando Territorial de Viana do Castelo.