Un motorista foi trasladado nunha UVI móbil ao Hospital Montecelo de Pontevedra tras sufrir unha caída do moto e perder a conciencia en Bueu.
Segundo informa o 112 Galicia, ocorreu na Avenida Montero Ríos do municipio ás case 16,00 horas da tarde.
Nese momento, varias persoas contactaron coa central de emerxencias para pedir axuda urxente, dado que pensaban que o motorista estaba grave. Unha delas aseguraba que o condutor perdera a conciencia tras o golpe.
Con esta información, os xestores de emerxencias avisaron aos profesionais de Urxencias Sanitarias de Galicia-061 e aos axentes de seguridade da Policía Local e da Garda Civil de Tráfico.
Finalmente, o equipo sanitario confirmou que o condutor da moto foi trasladado por unha UVI móbil ao Hospital de Montecelo.
