A actriz María Castro será galardoa como Viguesa Distinguida 2023 na gala que o Concello olívico celebrará o vindeiro xoves, día 23 de marzo, no Teatro Afundación.

Así o anunciou o alcalde, Abel Caballero, que indicou que a tamén actriz Mariana Carballal e os clubs deportivos Valladares e Racing de Castrelos formarán parte dos recoñecidos este ano.

O rexedor vigués reivindicou a “extraordinaria” carreira de María Castro, que comezou a facerse popular na famosa serie da Televisión de Galicia ‘Pratos Combinados’ e posteriormente participou noutras producións como ‘Sen tetas non hai paraíso’, ‘Vive cantando’ ou ‘Seis irmás’. Na actualidade traballa en ‘A promesa’ de TVE.

Pola súa banda, Caballero tamén destacou á docente, directora de teatro e actriz Mariana Carballal, cun importante papel como activista pola igualdade de xénero na cultura, que traballou en “multitude” de series de televisión e películas, ademais de ser profesora de Interpretación na Escola Superior de Arte Dramática de Galicia.

Coincidindo coa celebración do seu centenario, os clubs de fútbol de Valladares e de Castrelos tamén serán Vigueses Distinguidos 2023.