Pasaron xa 19 meses e Juan Carollo sigue en pé porque a pobreza aínda existe en Vigo. Mentres, reclama un novo albergue para a cidade, ao considerar insuficiente o do barrio de Torrecedeira.
Contabiliza máis de 800 persoas diferentes as que quedaron fóra do devandito albergue desde que comezou a súa loita, e iso que os políticos declararan que ninguén durme na rúa.
![](https://xornaldevigo.gal/wp-content/uploads/2018/09/6814-1024x654.jpg)
Só no mes de agosto, foron 201 as persoas que quedaron fóra por falta de prazas, despois de agardar na cola, sen éxito. E habería que sumar os que non se achegaron por alí pero durmiron na rúa igualmente.
Unha dura realidade que ocorre en tódalas cidades, pero á que, segundo defende Juan, deberiamos buscarlle unha solución en lugar de ocultala. A súa é unha loita sen cor político, o importante é conseguir axuda, cambiar os feitos.
![](https://xornaldevigo.gal/wp-content/uploads/2018/09/DSC_6780-678x1024.jpg)
No último pleno, houbo unha referencia ás dúas mortes de persoas desamparadas o día 20 de agosto, algo que non transcendeu á opinión pública, e no mesmo pleno do pasado mércores contestouse cun “iso non importa a ninguén”.
![](https://xornaldevigo.gal/wp-content/uploads/2018/09/DSC_6820-678x1024.jpg)
Fronte ao Concello de Vigo, Juan continúa o seu traballo de rexistro e denuncia.
![](https://xornaldevigo.gal/wp-content/uploads/2018/09/DSC_6801-1024x622.jpg)