O xulgado do Mercantil número 3 de Pontevedra, con sede en Vigo, ditou auto no que acorda arquivar as actuacións relativas ao concurso de acredores do desaparecido estaleiro vigués Hijos de J. Barretas (cuxas instalacións son agora propiedade do grupo Armón).

Así, a maxistrada dá cumprimento ao previsto na Lei Concursal, que establece que, cando o administrador concursal e a Fiscalía coincidan en sinalar un concurso como fortuíto (sen responsables), o xulgado debe ordenar o arquivo das actuacións “sen máis trámites”, nun auto contra o que non cabe recurso.

O xulgado declarou en concurso voluntario ao estaleiro en xaneiro de 2022, dado que a empresa estaba en situación de insolvencia, e ordenou a apertura dunha peza separada para a venda da unidade produtiva. Seis meses despois, declarou a extinción da sociedade e, a finais de xullo, formalizou o despedimento dun centenar de traballadores, case a totalidade do persoal (con excepción da vintena que foron subrogados polos novos donos, Armón).