A Dirección Xeral de Patrimonio Cultural informou favorablemente ao Concello de Vigo sobre o expediente de urbanización do polígono 1 do Plan Parcial do barrio vigués de San Paio de Navia, que desenvolve a Xunta de Galicia.

Tal como indicou o Goberno autonómico, desta maneira Patrimonio responde afirmativamente o proxecto, que permitirá ampliar ao polígono. Esta zona é unha das tres coas que contará a ampliación de Navia.

Para Patrimonio, a urbanización “non implica maiores afectacións patrimoniais” que o traslado dalgún elemento a unha zona verde central do polígono, o que considera “apropiado” a efectos de protección deste ben.

Ademais, respecto dun hórreo catalogado, foi necesario o uso dun dron para determinar o seu estado, dada a inaccesibilidade. “Isto serviu para constatar que o elemento non se atopa xa en pé“, indicou, polo que no caso de que se localice deberase proceder á súa incorporación á urbanización.