Vigo acollerá os próximos 23 e 24 de febreiro o V Simposio Nacional de Oncoloxía de Precisión, onde se tratarán novas formas de xestión no diagnóstico e tratamento do cancro.

Tal como informou a súa organización, este ano o foro alcanza a súa quinta edición converténdose nun “punto de encontro” de profesionais deste ámbito sanitario, onde se exporá unha revisión actualizada dos estudos máis relevantes na materia.

O simposio levará a cabo na sede de Afundación de Vigo e está previsto que acuda ao seu acto inaugural o conselleiro de Sanidade da Xunta de Galicia, Julio García Comesaña.

Por iso, máis de 400 profesionais acudirán á cita (contando os presenciais e os que visionarán as sesións en diferido), que contará cuns 40 relatores.

Coordinado polos doutores Sergio Vázquez (Hospital Universitario Lucus Augusti), Joaquín Casal e Martín Lázaro (Complexo Hospitalario Universitario de Vigo), o evento permitirá tamén coñecer os avances en oncoloxía de precisión a nivel molecular e clínico que se produciron ao longo de 2022.