Fernando González Ferreiros, un alumno do Colexio Plurilingüe Mariano de Vigo, é o gañador en España da 16ª edición do concurso de tradución ‘Juvenes Translatores’ convocado pola Comisión Europea. A entrega de premios será Bruxelas o próximo 31 de marzo.
Segundo informa o Executivo comunitario, houbo un total de 2.883 participantes que puxeron a proba os seus coñecementos lingüísticos e optaron por traducir un texto entre dous das 24 linguas oficiais da Unión Europea. Das 552 combinacións lingüísticas dispoñibles, os alumnos das 681 escolas participantes empregaron 141.
Foron os tradutores da Comisión os que seleccionaron a 27 persoas gañadoras, unha por cada país membro, así como 287 mencións especiais. En España, foi Fernando González Ferreiros o que resultou vencedor de entre 262 estudantes presentados de 59 centros.
