InicioSociedadeOnde buscarías un avión soviético dos 70 ou a réplica dunha garra...

Onde buscarías un avión soviético dos 70 ou a réplica dunha garra de combate chinesa?

PUBLICADO O

Regalos Mila (Praza da Pedra 3, Vigo) leva dende agosto do pasado ano en mans dun novo propietario, Fernando, que levaba xa 15 anos traballando como dependente. Pero a tenda é moito, moito máis antiga: “De comezos do século XX. Hai fotografías do 1.900 e algo nas que xa aparece”, asegura.

En Regalos Mila véndense recordos para turistas e xoguetes para nenos ou curiosos, mercados por Fernando a coleccionistas ou por Internet. E tamén garda unhas garras chinas de mediados do século pasado, con dez dedos de Velociraptor e pinchos sobre o dorso da man.

Regalos Mila/ Miguel Núñez

Esta é a historia: “Un día Mao Zedong (dirixente da República Popular China e do Partido Comunista chinés) levantouse con ganas de introducir turismo no seu país, e comezou a facer réplicas de armas clásicas”.

Regalos Mila/ Miguel Núñez

“Pero algo máis tarde arrepentiuse, así que hai poucas pezas. Estas mans son para pelexar nos corredores dun castelo e sitios estreitos en xeral, sen espazo suficiente para utilizar espada. A arma orixinal na que se basea a réplica será do século XII ou XV”, asegura.

Conta con algunhas pezas curiosas máis, dalgunhas o máis bonito é a caixa: “Había grandes deseñadores”.  Ten un xoguete soviético dos 70, un avión a pilas coa fouce e o martelo.

Regalos Mila/ Miguel Núñez

Ten matrículas de Elvis Presley e Michael Jackson, metralletas de xoguete que soltan ruídos e chispas, un camión de polos que pican no chan mentres avanza, unha caravana dos 60 con autoservicio, tanques ou coches en miniatura de catro centímetros.

Regalos Mila/ Miguel Núñez

Tamén sombreiros e boinas, galegas e vascas, paraugas para o mal tempo, botas de viño, ou antigos isqueiros: acendedores antigos de mecha longa, a base dun material inflamable e un pedernal, que servían para acender o lume por exemplo no medio do mar, cando non afrouxaba o vento.

Regalos Mila/ Miguel Núñez

Incluso, coma curiosidade histórica para coleccionistas, un ferro de xoguete, recordo daqueles anos de ditadura en España, é en miniatura pero enchúfase e quenta igual. É da marca Joal, 125 vatios, fabricouse entre os 50 e os 60. Na caixa, nenas sorrindo con diferentes cores de pelo, louras, castañas, morenas.

Regalos Mila/ Miguel Núñez

O xoguete favorito de Fernando é o que nunca tuvo, un Land Rover grúa de Rico: “É moi complicado de conseguir, e non baixaría dos 600 euros. O tiña meu veciño, cando eu era pequeno. Supoño que el envexaría o meu”.

Regalos Mila/ Miguel Núñez

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...