Vitrasa, empresa concesionaria do transporte público na cidade de Vigo, vén de cumprir 50 anos. Medio século cheo de servizos e tamén dalgún conflito, como o que aconteceu nos últimos tempos coa nova tarxeta municipal, a “Pass Vigo”.

Esta dispoñía nos seus inicios dun requisito, o de empadroamento, que deixaba fóra aos usuarios de Chapela e outras poboacións anexas á cidade de Vigo, e foi obxecto de polémica primeiro e considerado ilícito polos xulgados despois, polo que algúns centos de redondeláns xa dispoñen da súa tarxeta persoal.