O acto de cortar o pelo di moito de quen somos. Uns faino (ou, máis ben, déixanse facer) unha vez ao mes, outros cada semana ou tres veces ó ano. Hai quen pide o peiteado de moda que leva algún futbolista, quen busca camiños propios ou quen prefire perderse.
Un acto normal e corrente, cotiá pero simbólico. Ese pelo que representa a nosa forza, aquel peiteado co que intentamos achegar aos demais a nosa personalidade. Un pecha os ollos mentres o perruqueiro realiza o seu traballo, e cando os abre é outro, novo. E volta a empezar.
