InicioDeportes30 cans perden o medo á auga e completan unha travesía na...

30 cans perden o medo á auga e completan unha travesía na dársena do Náutico

O Real Club Náutico, Yaracan e Candatí prepararon unha Xornada Solidaria Canina que discurriu en harmonía este sábado nas instalacións portuarias de Vigo.

PUBLICADO O

- Advertisement -

Este sábado 1 de setembro celebrouse nas instalacións do Real Club Náutico de Vigo unha xornada solidaria dedicada aos nosos grandes amigos de catro patas, os cans, que realizaron todo tipo de “Xogos Náuticos” para o seu divertimento e os de seus donos.

Introduciuse a cachorros e adultos na auga por primeira vez. Outros, se cadra máis expertos neste líquido elemento, practicaron a súa propiocepción e completaron circuítos e distintos xogos. Tamén impartiuse unha charla.

Xornada solidaria canina/ Cedida

A xornada, salientan desde a organización, “transcorreu na máis absoluta harmonía con 30 cans e os seus donos gozando dun día de sol na auga”.

Xornada solidaria canina/ Cedida

Primeiro traballouse o equilibrio en superficies móbiles, e logo demostraron o aprendido subidos a kayacks, optimist, táboas de paddle e surf, body boards e “a estrela do evento”, unha big sup onde puidemos ver subidos a mais de 5 cans e os seus donos.

Xornada solidaria canina/ Cedida

Todos se animaron e acabaron facendo travesías coas diferentes embarcacións pola dársena do Náutico, acompañados en todo momento dunha neumática.

Xornada solidaria canina/ Cedida

As responsables do evento e de dar as pautas foron as técnicos de Yaracan, expertos en terapias asistidas con animais, e Candatí, encargados do adestramento canino.

Xornada solidaria canina/ Cedida

Os organizadores agradecen ao Real club Náutico de Vigo, polo seu apoio, aos participantes, que o fixeron posible, e ás empresas colaboradoras que aportaron premios e material.

Xornada solidaria canina/ Cedida

ÚLTIMAS

Absolto o acusado de violar a unha moza durmida pola falta de consistencia da versión da denunciante

A sección quinta da Audiencia Provincial de Pontevedra, con sede en Vigo, ditou sentenza na que...

Condenan a 2 anos de cárcere a unha americana que estafou máis de 158.000 dólares a unha firma viguesa de produtos do mar

A sección quinta da Audiencia Provincial de Pontevedra, con sede en Vigo, acolleu este...

A xuíza acorda o arquivo da causa contra o detido na rúa Mestre Montes por agredir supostamente á súa nai cun garfio

A xuíza de instrución 2 de Vigo acordou o sobresemento e arquivo das actuacións...

Detidos dous homes na rúa Cánovas del Castillo por supostos roubos con forza no interior de 15 coches estacionados

Axentes da Policía Nacional da Comisaría de Vigo detiveron a dous homes como presuntos autores de...