A caída dunha árbore desfai unha furgoneta na rúa Arquitecto Palacios

Coche baixo a árbore/ Policía Local de Vigo

A Policía local trasladouse este luns á rúa Arquitecto Palacios en dirección Castrelos, onde unha árbore de dimensións importantes situada ao bordo da calzada caera sobre unha furgoneta Nissan, causándolle importantes danos.

Ata alí desprazouse unha dotación de Bombeiros, xa que a árbore inutilizara dous carrís dun sentido, e outro da dirección contraria. A furgoneta sufriu importantes danos materiais, e a condutora do mesmo tivo que ser asistida por un ataque de ansiedade. Descoñécense as causas concretas que motivaron a caída da árbore.

Do mesmo xeito, ás 21:53 horas do día 7 de Agosto unha patrulla da Policía Local desprazouse a onde unha árbore caera sobre unha casa. A causa probable, o tránsito continuado de camións que fornecen de material a unha obra próxima, e que adoitan remontar de forma constante a beirarrúa.

DEIXAR UN COMENTARIO

Please enter your comment!
Please enter your name here