Detido en Vigo un taxista dunha localidade veciña por golpear outros vehículos en estado de ebriedade

Poli
Policia municipal/ Miguel Nuñez

A Policía Local de Vigo procedeu este martes á detención de J.G.F., varón de 59 anos de idade, natural e veciño de Vigo, quen conducindo un taxi baixo efectos do alcohol, danou a catro automóbiles estacionados. A taxa de alcohol superaba o límite penal establecido, e ademais intentou agredir a un axente no lugar do sinistro.

Ás 20:50 horas do 7 de agosto de 2018, os axentes foron chamados á rúa Cesáreo González, onde un taxi saíra da vía, danando a outros automóbiles estacionados. Unha vez no lugar, comprobaron que se trataba de cinco vehículos implicados; catro deles estacionados. O causante do sinistro era un Peugeot, Taxi con licenza doutra localidade próxima a Vigo.

Desde o primeiro momento observouse que o taxista atopábase baixo os efectos de bebidas alcohólicas. Tratábase do referido J.G.F., quen cando foi informado de que sería sometido á proba de alcoholemia, insultou aos Policías e aos transeúntes, chegando a encararse cun dos axentes, ao que intentou agredir, aseguran os policías.

DEIXAR UN COMENTARIO

Please enter your comment!
Please enter your name here