A causa das choivas previstas para a mañá do domingo 13 de febreiro, o festival `’Portamérica’ decidiu adiantar a súa xornada de reforestación ‘Unha entrada, unha árbore’ ao sábado día 12. Así, esta convocatoria aberta levarase a cabo no Outeiro Grande, nas parcelas do Monte Veciñal de Lantaño, e comezará ás 11:00 horas.
Segundo destacan, na xornada plantaranse 300 pés de 8 especies diferentes de árbores que “servirán para compensar as emisións de CO2 xeradas durante a realización do festival”, así como tamén de “franxa de protección fronte a incendios e incrementarán a biodiversidade da zona”. Ao mesmo tempo, ao ser algunhas delas especies de froito, poderán ter un aproveitamento sostible por parte da fauna e os veciños do municipio.
Desta forma, e entre outras árbores, plantarán castiñeiros, cerdeiras, sobreiras, nogueiras, freixos ou Carballos. Cada árbore identificarase cunha etiqueta biodegradable na que poderás poñer o teu nome ou o de que quen queiras