InicioSociedadeDenuncian a temporalidade de PSA Vigo: "Desde 2000, o 99% dos contratos...

Denuncian a temporalidade de PSA Vigo: “Desde 2000, o 99% dos contratos son a tempo parcial”

PUBLICADO O

O sindicato CUT vén de acusar de falta de responsabilidade social a fábrica PSA-Citroën en Vigo: “Desde o 2000 o 99,99% dos contratos do taller son a tempo parcial. A gran maioría do emprego en PSA actualmente xa é a tempo parcial, polo que estes días que non traballamos (por problemas de subministro de pezas, nesta ocasión) non cobran salario nin xeran pagas extras e demais conceptos salariais”.

As necesidades industriais provocan aumentos e paróns de produción que, segundo denuncian dende CUT, pagan tódolos axentes excepto a propia empresa: “Estas incidencias  son asumidas na súa totalidade con cargo as xornadas de traballo dos traballadores e os seus salarios. A Empresa estas perdidas produtivas non dubidamos que as vai cobrar
economicamente aos diferentes seguros, ou as empresas encargadas de subministrar as pezas en tempo e forma”.

Ao non existir practicamente stocks, a produción é “just in time” e calquera problema dun provedor pode parar a fábrica de forma súbita durante días. Pero entón, denuncia a CUT, “a Empresa cobra dos seguros, dos provedores, e dos traballadores na súa cotización, salarios ou bolsa de horas. Ela nunca perde nin asume risco”.

“Nunha fábrica de case 6000 traballadores actualmente, no taller pola contra só quedan 1500 traballadores con contrato de 8 horas, sen cláusulas de parcialidade“, lamentan.

PSA Citroen
PSA Citroen/ Miguel Nuñez

A orde de traballar ou parar un día determinado queda ao libre arbitro empresarial en
función das necesidades produtivas, “cunha comunicación previa de 24 horas ou incluso en casos imprevistos con comunicación de escasas horas previas o inicio a xornada de traballo”, asegura a CUT que está estudando denunciar ante xurisdición social, xa que, defenden, Inspección de Traballo non actúa.

Estiman a denuncia porque “o estatuto dos traballadores establece que as modificacións horarias deben de comunicarse ao traballador polo menos con 3 días de antelación, e as xornadas de traballo con 5 días”.

Ademais, sosteñen a falsidade do publicado nos medios de comunicación de que PSA adiantou as vacacións: “Serán como sempre de 6 a 26 de agosto, porque estes días da semana son de adecuación para algúns casos (os que menos), e para outros de consumo de Bolsa de Horas, e para unha gran maioría días sen salario e cotizacións ás portas das vacacións”.

CUT Citroen
Sindicalistas da CUT-Citroën/Miguel Nuñez

“Esta e a situación real de precariedade deste Centro, o mais produtivo do Grupo PSA que vén de anunciar números récord de beneficios. A responsabilidade social de PSA Vigo é 0, cando o artigo 30 do estatuto dos traballadores establece: “Si el trabajador no pudiera prestar sus servicios una vez vigente el contrato porque el empresario se retrasare en darle trabajo por impedimentos imputables al mismo y no al trabajador, este conservará el derecho a su salario, sin que pueda hacérsele compensar el que perdió con otro trabajo realizado en otro tiempo”.

Ademais, “agora en debate a caixa da seguridade Social, estes traballadores as que non se lles paga o salario por estar a fabrica parada, tampouco cotizan a Seguridade Social polo tanto, nin o fai a Empresa”. 

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...