Un home foi detido en Vigo tras propinar unha puñada no peito a un axente de policía que trataba de identificalo.

Tal como explica a Policía Local nun comunicado, o suceso ocorreu pasadas as 13,10 horas do pasado sábado, cando unha persoa alertou aos axentes de que unha parella estaba a consumir no interior dun vehículo nun canellón próximo a San Roque.

No lugar, os actuantes escoitaron berros entre a parella, observando ao home visiblemente agresivo, aínda que sen chegar a golpear á muller. Os policías separaron á parella, encarándose o home cos funcionarios, ignorando os requirimentos para que se tranquilizase e identificase, incluso chegando a dar unha puñada a un dos axentes no peito.

Por iso, foi detido por presuntamente cometer un delito de resistencia e atentado, sendo o home J.C.C.A.C. de Vigo e 47 anos idade. Ela, P.B.B. tamén de Vigo e 41 anos, actuou nos mesmos termos que o home cunha conduta “pouco colaboradora”.