O BNG urxe ao Concello a reapertura do Vigosónico e que “deixe de castigar” aos mozos

O esparzo leva sen actividade mais de 670 días.

O concelleiro do BNG en Vigo, Xabier Pérez Igresxas, xunto ás deputadas nacionalistas Carmela González (i) e Alexandra Fernández (d), nunha rolda de prensa na sede comarcal do BNG en Vigo.. BNG DE VIGO

O Bloque Nacionalista Galego (BNG) de Vigo urxiu ao Concello que “deixe de castigar” aos mozos e que reabra o Vigosónico, un local de lecer e ensaio para grupos de música da cidade. Por iso, o concelleiro nacionalista Xabier P. Igrexas instalou de forma irónica no portal do edificio unha cinta vermella para instar o alcalde, Abel Caballero, a que volva inaugurar o espazo.

“Como sabemos que o único que lle preocupa a Caballero son as inauguracións, vimos instalar de forma simbólica unha cinta para convidalo a que reabra de forma inmediata Vigosónico”, engadiu o concelleiro.

Igrexas lembrou que este espazo leva sen actividade máis de 670 días, xa que desde que estalou a pandemia non volveu reabrir. “É a única dotación municipal que aínda non recobrou a normalidade despois do seu peche en plena pandemia”, criticou.