A Universidade de Vigo (UVigo) solicitará á Xunta de Galicia a implantación, en exclusiva, do Máster en Enxeñaría Aeronáutica, segundo aprobou este xoves por unanimidade o consello de goberno da universidade nunha sesión extraordinaria convocada co obxectivo de desbloquear a situación deste título e poder así implantalo o próximo curso académico.
Segundo explicou o reitor, Manuel Reigosa, este máster “é un tema que leva enquistado xa máis de dous anos” e preténdese a súa implantación na Escola de Enxeñaría Aeronáutica e do Espazo do campus de Ourense.
Neste sentido, explicou que nun principio tanto a Universidade da Coruña como a de Vigo querían optar a este máster. Unha vez A Coruña desmarcouse do proxecto, que pretendía instaurar o título de forma interuniversitaria, agora Vigo pide que se implante en exclusiva no campus de Ourense.
“É unha proposta que facemos como universidade”, engadiu Reigosa, quen deu as grazas “a todas as persoas que estiveron implicadas no proceso” dentro da escola.
