InicioSucesosDetido un home por ameazar de morte cun cúter á súa compañeira...

Detido un home por ameazar de morte cun cúter á súa compañeira de piso

A vítima manifestou que o agresor pensara que lle roubara o móbil.

PUBLICADO O

Un home foi detido en Vigo o pasado venres, día 7 de xaneiro, por ameazar de morte cun cúter á súa compañeira de piso, a cal se refuxiou encerrándose nunha habitación.

Tal como informou a Policía Local, o suceso ocorreu minutos antes das 8,30 horas, cando unha muller solicitou por teléfono axuda na rúa Zamora debido a que un home que convivía con ela estaba moi agresivo no piso que compartían. Unha vez no lugar, os axentes foron recibidos pola muller, que se asomou por unha xanela gritando que o seu compañeiro a estaba ameazando mentres aporreaba á porta. Por iso, tiroulles as chaves da vivenda pola xanela para que puidesen acceder.

Dentro do domicilio, os funcionarios atopáronse a un individuo no corredor aporreando unha porta cun cúter na man. En ton “intimidante”, dirixiuse aos axentes e advertiunos “da súa clara intención de agredirlles se non se ausentaban do lugar”. Os actuantes trataron de acougalo e solicitaron auxilio dunha ambulancia ao comezar o home a ameazar con autolesionarse, chegando a facelo nun momento dado.

Mentres, entrevistáronse coa muller, A.I.F. de Vigo e 36 anos de idade, pescudando que o motivo do conflito era que o home consideraba que lle roubara o móbil. Ela manifestou que o teléfono era da súa propiedade e que o home inxerira gran cantidade de pastillas.

Os axentes facilitaron o móbil da muller ao home para demostrarlle que non era da súa propiedade. Convidáronlle a desbloquealo, momento no que, ao distraerse, os axentes abalanzáronse sobre el para inmobilizalo e arrebatarlle o cúter.

Por todo iso, procederon á detención do home, D.F.F. de Vigo e 67 anos de idade, pola suposta comisión dun delito de ameazas graves de morte.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...